آج ملک بھر میں شبِ برات کا مقدس موقع عقیدت و احترام کے ساتھ منایا جا رہا ہے۔ یہ شعبان کی پندرہویں رات ہے جسے قرآن پاک میں لیلۃ المبارکہ بھی کہا گیا ہے۔ مساجد اور گھروں میں خصوصی عبادات، نوافل، تلاوت اور دعاؤں کا اہتمام کیا جا رہا ہے۔ علمائے کرام کے مطابق یہ رحمتوں، برکتوں اور بخشش کی رات ہے جس میں بندوں کے لیے توبہ کے دروازے کھول دیے جاتے ہیں۔ اسلامی نظریاتی کونسل کے چیئرمین علامہ راغب نعیمی کا کہنا ہے کہ حدیث مبارکہ کے مطابق اس رات میں عبادت و قیام اور دن کو روزہ رکھنے کی خاص فضیلت ہے۔ یہ وہ رات ہے جس میں اللہ تعالیٰ کے حکم سے بندوں کے سال بھر کے رزق اور دیگر اہم فیصلے بھی لکھے جاتے ہیں۔ اس موقع پر عوام سے اپیل کی جاتی ہے کہ وہ اس رات کو عبادت اور استغفار میں گزار کر اللہ کی رحمت اور بخشش کے حقدار بنیں۔