دسمبر کی آخری صبح، پورے پنجاب خاص طور پر لاہور خطے میں پھیلی شدید دھند نے موسم کو معمول سے ہٹا کر خطرناک بنا دیا ہے۔ اس دھند نے زمینی نقل و حمل کے نظام کو مکمل طور پر بے کار بنا کر رکھ دیا ہے۔ حدِ نگاہ صفر میٹر تک جا پہنچنے سے شاہراہیں بند ہیں اور لاکھوں افراد کا سفر بری طرح متاثر ہوا ہے۔سڑکوں اور موٹرویز پر مکمل پابندی,شدید دھند کے پیشِ نظر، عوامی سلامتی کو مدنظر رکھتے ہوئے موٹروے پولیس نے صوبے کی اہم ترین شاہراہوں پر مکمل یا جزوی طور پر ٹریفک بند کر دی ہے۔ مندرجہ ذیل موٹرویز اور رشتے بند ہیں:
موٹروے ایم-2: لاہور سے کوٹ مومن تک مکمل بند۔موٹروے ایم-3: فیض پور سے جڑانوالہ تک تمام ٹریفک کے لیے بند۔ اس کے علاوہ، بڑی گاڑیوں کے لیے فیض پور سے درخانہ تک کا حصہ بھی معطل۔موٹروے ایم-4: پنڈی بھٹیاں سے فیصل آباد تک مکمل بند۔ بڑی گاڑیوں کے لیے پنڈی بھٹیاں سے عبدالحکیم تک کا سفر بھی ممکن نہیں۔موٹروے ایم-11: لاہور سے سیالکوٹ جانے والی یہ موٹروے بھی دھند کی وجہ سے بند۔
قومی شاہراہوں پر بھی صورتحال سنگین,صرف موٹرویز ہی نہیں، بلکہ قومی شاہراہوں پر بھی صورتحال انتہائی دگرگوں ہے۔ لاہور، مانگا منڈی، پھول نگر، پتوکی، رینالہ خورد، اوکاڑہ، ساہیوال، اقبال نگر، کسوال اور میاں چنوں میں شدید دھند چھائی ہوئی ہے، جہاں حد نگاہ صرف 0 سے 100 میٹر تک ریکارڈ کی جا رہی ہے۔
عوام کے لیے ہدایات موٹروے پولیس نے روڈ یوزرز کو ہدایت کی ہے کہ:غیر ضروری سفر سے مکمل اجتناب کریں۔اگر سفر ناگزیر ہو تو دن کے اوقات کو ترجیح دیں جب دھند کم ہو۔سفر کے دوران لین ڈسپلن پر سختی سے عمل کریں۔رہنمائی یا کسی بھی قسم کی مدد کے لیے موٹروے پولیس کی ہیلپ لائن 130 پر رابطہ کر سکتے ہیں۔
ماخذ: لاہور نیوز
