کراچی جانے والی رحمان بابا ایکسپریس ٹرین نوابشاہ کے قریب واقع باندھی ریلوے سٹیشن پر دو حصوں میں تقسیم ہو گئی، جس سے ٹرین کے مسافروں میں خوف و ہراس پھیل گیا۔ خوش قسمتی سے اس واقعے میں کسی قسم کا جانی نقصان نہیں ہوا۔
سٹیشن ماسٹر شہزاد عمرانی کے مطابق یہ خرابی ٹرین کے پریشر پائپ کے نکل جانے کی وجہ سے پیش آئی۔ ریلوے انتظامیہ کا مرمتی عملہ فوری طور پر ٹرین کی مرمت میں مصروف ہے اور جلد ہی ٹرین کو دوبارہ منزل کی جانب روانہ کر دیا جائے گا۔
