ماہ رمضان المبارک کے پیش نظر سندھ اور وفاقی دارالحکومت میں سرکاری دفاتر کے اوقات کار میں تبدیلی کا اعلان کر دیا گیا ہے۔ صوبہ سندھ کی حکومت کی جانب سے جاری نوٹیفکیشن کے مطابق رمضان کے دوران پیر سے جمعرات تک سرکاری دفاتر صبح 10 بجے سے دوپہر 4 بجے تک کھلے رہیں گے، جبکہ جمعہ کے روز دفاتر صبح 10 بجے سے دوپہر ایک بجے تک کام کریں گے۔

دوسری جانب وفاقی آئینی عدالت پاکستان نے بھی رمضان المبارک کے لیے اپنے دفتری اوقات کار کا نوٹیفکیشن جاری کر دیا ہے۔ جاری کردہ اعلامیے کے مطابق پیر سے جمعرات تک دفاتر صبح 9 بجے سے دوپہر 2 بجے تک کھلے رہیں گے، جبکہ جمعہ اور ہفتہ کے روز دفاتر صبح 9 بجے سے دوپہر 12:30 بجے تک کام کریں گے۔ ان اقدامات کا مقصد ملازمین کو ماہ صیام میں سہولت فراہم کرنا ہے۔