ٹی ٹوئنٹی ورلڈ کپ میں پاکستان کے خلاف شاندار فتح کے باوجود بھارتی ٹیم کے اندرونی اختلافات کی ایک ویڈیو سوشل میڈیا پر وائرل ہو گئی ہے۔ یہ واقعہ پاکستان کی اننگز کے دوران پیش آیا جب ہارک پانڈیا کی گیند پر کلدیپ یادیو نے شاہین شاہ آفریدی کا کیچ ڈراپ کر دیا۔ اس غلطی پر پانڈیا نے کلدیپ سے شدید ناراضی کا اظہار کیا اور اننگز کے اختتام پر دونوں کھلاڑیوں کے درمیان تلخ کلامی ہوتی دکھائی دی۔ اس موقع پر بھارتی کپتان سوریا کمار یادیو نے بھی کلدیپ کو کچھ کہا اور ان کا غصہ واضح طور پر دیکھا گیا۔ بھارتی کھلاڑیوں کے اس رویے پر سوشل میڈیا صارفین دلچسپ تبصرے کر رہے ہیں۔ یاد رہے کہ اس میچ میں بھارت نے پاکستان کو 61 رنز سے شکست دی تھی۔ اس شکست کے بعد اب پاکستانی ٹیم کے لیے سپر ایٹ مرحلے میں رسائی تقریباً مشکل ہو گئی ہے، تاہم پاکستان کا آخری گروپ میچ 18 فروری کو نمیبیا کے خلاف ہے جسے جیتنا ضروری ہے۔

حوالہ : جیو نیوز https://www.geonewsurdu.tv/latest/427954-