ہائپر سپیکٹرل سیٹلائٹ پاکستان کے خلائی پروگرام میں بڑی پیش رفت ہے، مریم نواز

browse cricket leagues

  • پی ایس ایل
  • آئی پی ایل
  • بی پی ایل
  • بی پی ایل
  • سی پی ایل
  • ایل پی ایل

browse sports

  • کرکٹ
  • فٹ بال
  • ہاکی
  • ٹینس
  • ٹیبل ٹینس
  • سکواش
  • باکسنگ
  • والی بال
  • بیڈمنٹن

Browse Pakistan News

  • لاہور
  • کراچی
  • اسلام آباد
  • ملتان
  • فیصل آباد
  • راولپنڈی
  • گجرانوالہ
  • پشاور
  • حیدر آباد

ہائپر سپیکٹرل سیٹلائٹ پاکستان کے خلائی پروگرام میں بڑی پیش رفت ہے، مریم نواز

لاہور: وزیراعلیٰ پنجاب مریم نواز نے پاکستان کی جانب سے ہائپر سپیکٹرل سیٹلائٹ کے کامیاب مشن کو ملک کے خلائی پروگرام میں ایک تاریخی سنگِ میل قرار دیا ہے۔ انہوں نے کہا کہ یہ سیٹلائٹ نہ صرف پاکستان کے سائنسی و تکنیکی شعبے کے لیے فخر کا باعث ہے بلکہ زراعت، ماحولیات، موسمیاتی تبدیلی اور قدرتی وسائل کے مؤثر استعمال میں بھی انقلابی کردار ادا کرے گا۔

وزیراعلیٰ مریم نواز نے کہا کہ یہ کامیابی پاکستانی انجینئرز اور سائنس دانوں کی محنت، صلاحیت اور حب الوطنی کا منہ بولتا ثبوت ہے۔ انہوں نے مزید کہا کہ “ہمیں اپنی نوجوان نسل کو اس سمت میں مزید مواقع فراہم کرنے چاہئیں تاکہ پاکستان جدید ٹیکنالوجی کے میدان میں خود کفیل ہو سکے۔”

ان کا کہنا تھا کہ ہائپر سپیکٹرل سیٹلائٹ کی مدد سے پنجاب میں زرعی پیداوار کے درست تخمینے، فصلوں کی نگرانی، اور قدرتی آفات کے قبل از وقت اندازے ممکن ہوں گے۔ مریم نواز نے کہا کہ صوبائی حکومت وفاقی اداروں کے ساتھ مل کر اس جدید ٹیکنالوجی سے زیادہ سے زیادہ استفادہ کرے گی تاکہ ترقیاتی منصوبوں میں شفافیت اور کارکردگی بہتر بنائی جا سکے۔

انہوں نے پاکستان اسپیس اینڈ اپر ایٹموسفیر ریسرچ کمیشن (سپارکو) کے سائنس دانوں کو مبارکباد دیتے ہوئے کہا کہ یہ کامیابی پوری قوم کے لیے باعثِ فخر ہے اور دنیا کو پیغام دیتی ہے کہ پاکستان سائنس و ٹیکنالوجی کے شعبے میں تیزی سے ترقی کر رہا ہے۔

تازہ ترین پوسٹ ....

ایک تبصرہ چھوڑیں

اوپر تک سکرول کریں۔