آسٹریلوی بولر میچل اسٹارک کا ٹی20 انٹرنیشنل سے ریٹائرمنٹ کا اعلان
آسٹریلیا کے فاسٹ بولر میچل اسٹارک نے ٹی20 انٹرنیشنل کرکٹ سے ریٹائرمنٹ کا اعلان کر دیا ہے۔ آسٹریلوی کرکٹ بورڈ کے مطابق اسٹارک نے یہ فیصلہ اپنی ٹیسٹ اور ون ڈے کیریئر پر زیادہ توجہ دینے کے لیے کیا ہے۔ بین الاقوامی میڈیا رپورٹس کے مطابق میچل اسٹارک نے 2012ء میں ٹی20 انٹرنیشنل ڈیبیو کیا اور اب تک آسٹریلیا کے لیے متعدد یادگار کارکردگیاں پیش کیں۔ وہ 2015ء کے ورلڈ کپ اور 2021ء کے ٹی20 ورلڈ کپ میں ٹیم کے اہم رکن رہے۔ اسٹارک نے اپنے ٹی20 کیریئر میں 58 میچز کھیلے اور 73 وکٹیں حاصل کیں۔
میچل اسٹارک نے ایک بیان میں کہا کہ اب وہ اپنا زیادہ فوکس ٹیسٹ کرکٹ اور ون ڈے فارمیٹ پر رکھنا چاہتے ہیں تاکہ آسٹریلیا کو بڑی کامیابیاں دلوا سکیں۔ کرکٹ ماہرین کا ماننا ہے کہ اسٹارک کے ریٹائرمنٹ کے بعد آسٹریلیا کو شارٹ فارمیٹ میں نئے باؤلرز تیار کرنے ہوں گے۔
