سری لنکا کے خلاف تیسرے اور فیصلہ کن ٹی20 میچ میں پاکستانی ٹیم کے کپتان سلمان علی آغا نے ٹاس جیت کر پہلے فیلڈنگ کرنے کا فیصلہ کیا ہے۔ دمبولا میں بارش کی وجہ سے یہ میچ کافی تاخیر سے شروع ہوا اور اسے مختصر کر کے فی سائیڈ صرف 12 اوورز تک محدود کر دیا گیا ہے۔کپتان سلمان آغا نے ٹاس جیتنے کے بعد اپنے فیصلے کی وضاحت کرتے ہوئے کہا کہ ’’ایک وجہ یہ بھی ہے کہ یہ میچ مختصر ہے، اس لیے پہلے بولنگ کا فیصلہ کیا ہے‘‘۔دونوں ٹیموں نے اپنے دستوں میں دو دو تبدیلیاں کی ہیں۔ پاکستانی ٹیم کی طرف سے خواجہ نافے اپنا بین الاقوامی ٹی20 ڈیبیو کر رہے ہیں جبکہ تیز رفتار باؤلر نسیم شاہ بھی ٹیم میں واپس آئے ہیں۔یہ تین میچوں کی سیریز کا فیصلہ کن میچ ہے۔ پاکستان نے سیریز کا پہلا میچ 6 وکٹوں سے جیتا تھا جبکہ دوسرا میچ بارش کی وجہ سے منسوخ ہو گیا تھا، اس لیے گرین شرٹس کو پہلے ہی 1-0 کی برتری حاصل ہے۔