سابق آسٹریلوی کرکٹر ڈیمین مارٹن، جو گردن توڑ بخار کی سنگین بیماری کے بعد دو ہفتے تک اسپتال اور آئی سی یو میں زیر علاج رہے تھے، کو اب ڈسچارج کر دیا گیا ہے۔ ان کے قریبی دوست اور ساتھی سابق کرکٹر ایڈم گلکرسٹ نے اس بات کی تصدیق کی ہے۔ 54 سالہ مارٹن کرسمس کے دن اس بخار میں مبتلا ہوئے جس کے بعد ان کی حالت تشویشناک ہو گئی تھی اور وہ کوما میں چلے گئے تھے۔ انہیں برسبین کے اسپتال میں زیر علاج رکھا گیا تھا۔ ایڈم گلکرسٹ نے بتایا کہ ڈیمین مارٹن اب گھر واپس آ چکے ہیں تاہم مکمل صحت یابی کے لیے اب بھی انہیں ایک طویل اور مشکل سفر طے کرنا ہے۔ مارٹن کے خاندان نے تمام ڈاکٹروں اور طبی عملے کا اس مشکل وقت میں علاج کرنے پر شکریہ ادا کیا ہے۔