جنوبی کوریا کے صدر لی جے میونگ نے ایک غیر معمولی بیان جاری کرتے ہوئے “گنج پن” کو ملک کا ایک نیا اور سنگین مسئلہ قرار دیا ہے۔صدر نے اسے محض ایک ظاہری معاملہ نہیں، بلکہ ‘بقا کا معاملہ’ اور ایک اہم معاشرتی و نفسیاتی چیلنج قرار دیا۔ ان کا کہنا ہے کہ بالوں کا جھڑنا ذہنی دباؤ، خود اعتمادی میں کمی اور سماجی مسائل کا باعث بنتا ہے، جسے حکومتی سطح پر سنجیدگی سے لینے کی ضرورت ہے۔اس حوالے سے انہوں نے سرکاری مدد، تحقیق کے بڑھاؤ اور ممکنہ سبسڈیز جیسی تجاویز بھی پیش کی ہیں۔
یہ بیان ملک بھر میں ایک نئی بحث کا باعث بنا ہے، جس نے عوامی رائے کو دو حصوں میں تقسیم کر دیا ہے۔حمایتیوں کا مؤقف: ایک طبقہ اسے عوامی صحت اور ذہنی بہبود کے حوالے سے ایک مثبت اور ترقی پسند قدم قرار دے رہا ہے۔تنقید کرنے والوں کا مؤقف: دوسرا گروہ اسے حکومت کی ترجیحات پر سوالیہ نشان سمجھتا ہے، اور زور دیتا ہے کہ حکومت کو ملک کے اہم تر معاشی و سماجی مسائل پر توجہ مرکوز کرنی چاہیے۔اس بیان نے جنوبی کوریا میں صحت، نفسیات اور حکومتی ترجیحات پر ایک دلچسپ قومی مکالمے کا آغاز کر دیا ہے۔
ماخذ: جیو نیوز اردو
