پاکستان اور چین نے اپنے باہمی تعلقات میں ایک اہم پیش رفت کے طور پر دہشت گردی کے خلاف زیرو ٹالرنس پالیسی اور سکیورٹی تعاون مزید بڑھانے پر اتفاق کیا ہے۔ یہ اتفاق وزیر خارجہ اسحاق ڈار کی 3 سے 5 جنوری تک بیجنگ کے دورے کے دوران ہونے والے ساتویں پاک چین اسٹریٹجک ڈائیلاگ کے اختتام پر ایک مشترکہ اعلامیے میں ظاہر کیا گیا۔دونوں ممالک نے ایک جامع ایجنڈے پر اتفاق کیا، جس میں شامل ہے:
ایک دوسرے کے مسائل پر مکمل حمایت: پاکستان نے ون چائنا پالیسی کے تحت تائیوان، سنکیانگ، تبت، ہانگ کانگ اور جنوبی بحیرۂ چین پر چین کی پالیسی کی مکمل حمایت کا اعادہ کیا۔ چین نے پاکستان کی خودمختاری، علاقائی سالمیت اور دہشت گردی کے خلاف جنگ میں بھرپور تعاون کی توثیق کی۔مسئلہ کشمیر پر یکساں موقف: دونوں فریقوں نے کشمیر کے پرامن حل کے لیے اقوام متحدہ کی قراردادوں کی اہمیت پر زور دیا۔سی پیک اور دیگر شعبوں میں تعاون بڑھانا: اقتصادی راہداری منصوبوں (سی پیک 2)، زراعت، معدنیات، گوادر پورٹ، اور حتیٰ کہ خلائی تعاون میں پیشرفت اور پاکستانی خلابازوں کی چینی خلائی اسٹیشن میں متوقع شمولیت پر بھی اتفاق ہوا۔
مذاکرات میں یہ بھی طے پایا کہ دونوں ممالک 2026 میں پاک چین سفارتی تعلقات کے 75 سال مکمل ہونے کی تقریبات کا سلسلہ شروع کریں گے، اور اپنی آہنی دوستی کو آنے والی نسلوں تک منتقل کرنے اور تعاون کے نئے شعبے تلاش کرنے پر رضامندی ظاہر کی۔اس جامع معاہدے سے پاک چین کے “آل ویدر اسٹریٹجک تعلقات” اور “آہنی برادرانہ” رشتے میں مزید مضبوطی آئی ہے۔
