لاہور میں منعقد ہونے والی خصوصی تقریب میں موسیقی سے وابستہ کئی نامور شخصیات کو ان کی تخلیقات کی رائلٹی کے چیکس پیش کیے گئے۔
یہ اہم تقریب گلوکار تنویر آفریدی کے اہتمام اور ڈاکٹر سہیل کی نظامت میں لاہور کے ایک مقامی ہوٹل میں منعقد ہوئی۔ اس موقع پر ای ایم آئی پاکستان کے مالکان عمید ریاض، نوید ریاض، عتید ریاض اور سی او ذیشان چوہدری کو موسیقی کے شعبے کی خدمت پر خراج تحسین پیش کیا گیا۔
تقریب میں معروف فنکاروں کی بڑی تعداد نے شرکت کی، جن میں سے کچھ اہم نام یہ ہیں:گلوکار: استاد غلام علی، استاد طافو، شازیہ منظور، میگھا، میکال حسن، نشو بیگم، عارفہ صدیقی، تعبیر علی، رومیسہ طارق، قنبر علی اور علیشاہ جعفری۔رائلٹی وصول کرنے والے (براہ راست یا نمائندگی): استاد فرخ علی خان، حاجی مقبول فرید صابری، موسیقار ایم اشرف، نغمہ نگار خواجہ پرویز، موسیقار خلیل احمد، موسیقار ماسٹر عبداللہ، شاعر جمیل الدین عالی، شاعر فیاض ہاشمی اور سویقار طافو خان۔ تقریب کا مقصد اور پروگرام اس تقریب کا مرکزی مقصد موسیقی کے شعبے سے وابستہ فنکاروں اور تخلیق کاروں کو ان کے جائز حق (رائلٹی) کی فراہمی کو یقینی بنانا تھا۔ تقریب کے دوران تنویر آفریدی، شازیہ منظور، علیشاہ جعفری اور دیگر نے زندہ گلوکاری اور موسیقی کے ذریعے حاضرین کا دل موہ لیا۔ای ایم آئی پاکستان کی نمائندگی کرتے ہوئے یہ عہد کیا گیا کہ “جب تک موسیقی رہے گی، ادارہ موسیقی سے وابستہ افراد کی خدمت اور رائلٹی کی فراہمی جاری رکھے گا۔”
ماخذ: جی این این ایچ ڈی ٹی وی
