لندن: برطانیہ کی حکومت نے 2026-27 کے لیے نیشنل منیمم ویج (NMW) اور نیشنل لیونگ ویج (NLW) میں اضافہ کرنے کا حتمی فیصلہ کر لیا ہے۔ نئے اعلان کے مطابق 21 سال اور اس سے زائد عمر کے مزدوروں کی اجرت فی گھنٹہ £12.71ہو جائے گی، یعنی تقریباً 4.1 فیصد اضافہ ہوا ہے۔ حکومت کا کہنا ہے کہ یہ اقدام وبحالی کی کوششوں اور مہنگائی کی بڑھتی لاگت کے تناظر میں کم آمدنی والے مزدوروں کو ریلیف فراہم کرنے کے لیے کیا گیا ہے۔ نوزائدہ اجرت سے تقریباً 2.4 ملین ورکرز مستفید ہوں گے، جس میں 18-20 سال کی عمر کے نوجوان اور اپرنٹس بھی شامل ہیں، جن کی اجرت بھی 8.5 فیصد تک بڑھائی گئی ہے۔
وزیر خزانہ Rachel Reeves نے اپنی بیان میں کہا ہے کہ یہ اضافہ مزدور طبقے کے لیے “انتہائی ضروری” تھا تاکہ انہیں ان کی محنت کا مناسب معاوضہ ملے اور روزمرہ اخراجات کا بوجھ کم ہو سکے۔ انہوں نے مزید کہا کہ موجودہ معاشی دباؤ اور مہنگائی کے پیش نظر حکومت کو مزدوروں کی فلاح کو اولین ترجیح دینا چاہیے۔اقتصادی ماہرین کے مطابق اس اضافے سے گھریلو اخراجات سنبھالنا آسان ہو جائے گا، خاص طور پر رہائش، خوراک اور توانائی کے بڑھتے ہوئے نرخوں کے تناظر میں۔ تاہم، کچھ کاروباری حلقے خدشہ ظاہر کر رہے ہیں کہ اس فیصلے سے چھوٹے کاروبار اور نوجوانوں کی نوکریوں پر منفی اثر پڑ سکتا ہے، کیونکہ لیبر لاگت میں اضافہ اُن کے لیے بوجھ بن سکتا ہے۔
