لاہور: پنجاب اسمبلی میں 27 ویں آئینی ترمیم کے حق میں قرارداد جمع کروا دی گئی ہے۔ قرارداد مسلم لیگ (ن) کے رکن اسمبلی نے جمع کرائی، جس میں کہا گیا ہے کہ یہ ترمیم ملکی آئین کو مزید مستحکم اور جمہوری اداروں کو مضبوط بنانے میں اہم کردار ادا کرے گی۔

قرارداد کے متن کے مطابق 27 ویں آئینی ترمیم کا مقصد اختیارات کی تقسیم، شفاف طرزِ حکمرانی اور پارلیمانی نظام کی مضبوطی ہے۔ اس کے ذریعے صوبوں کو مزید بااختیار بنانے اور وفاقی اداروں کے ساتھ بہتر ہم آہنگی پیدا کرنے کی کوشش کی گئی ہے۔

قرارداد میں کہا گیا ہے کہ آئینی ترمیم کے ذریعے ملک میں سیاسی استحکام، ادارہ جاتی ہم آہنگی اور جمہوری تسلسل کو یقینی بنایا جائے گا۔ اس اقدام کو ملکی سلامتی، اقتصادی ترقی اور عوامی فلاح کے لیے مثبت پیش رفت قرار دیا گیا ہے۔

ذرائع کے مطابق، قرارداد کو جلد ایوان میں پیش کیا جائے گا جہاں اس پر بحث اور منظوری متوقع ہے۔ مسلم لیگ (ن) کے ارکان نے امید ظاہر کی ہے کہ دیگر سیاسی جماعتیں بھی قومی مفاد میں اس ترمیم کی حمایت کریں گی۔